Faptele Apostolilor

 

ΠΡΑΞΕΙΣ ΑΠΟΣΤΟΛΩΝ

 

1: 1 Τὸν μὲν πρῶτον λόγον ἐποιησάμην περὶ πάντων, ὦ Θεόφιλε, ὧν ἤρξατο ὁ Ἰησοῦς ποιεῖν τε καὶ διδάσκειν, 2 ἄχρι ἧς ἡμέρας ἐντειλάμενος τοῖς ἀποστόλοις διὰ Πνεύματος Ἁγίου οὓς ἐξελέξατο ἀνελήμφθη· 3 οἷς καὶ παρέστησεν ἑαυτὸν ζῶντα μετὰ τὸ παθεῖν αὐτὸν ἐν πολλοῖς τεκμηρίοις, δι’ ἡμερῶν τεσσεράκοντα ὀπτανόμενος αὐτοῖς καὶ λέγων τὰ περὶ τῆς βασιλείας τοῦ Θεοῦ· 4 καὶ συναλιζόμενος παρήγγειλεν αὐτοῖς ἀπὸ Ἱεροσολύμων μὴ χωρίζεσθαι, ἀλλὰ περιμένειν τὴν ἐπαγγελίαν τοῦ Πατρὸς ἣν ἠκούσατέ μου· 5 ὅτι Ἰωάνης μὲν ἐβάπτισεν ὕδατι, ὑμεῖς δὲ ἐν Πνεύματι βαπτισθήσεσθε Ἁγίῳ οὐ μετὰ πολλὰς ταύτας ἡμέρας. 6 Οἱ μὲν οὖν συνελθόντες ἠρώτων αὐτὸν λέγοντες Κύριε, εἰ ἐν τῷ χρόνῳ τούτῳ ἀποκαθιστάνεις τὴν βασιλείαν τῷ Ἰσραήλ; 7 εἶπεν πρὸς αὐτούς Οὐχ ὑμῶν ἐστιν γνῶναι χρόνους ἢ καιροὺς οὓς ὁ Πατὴρ ἔθετο ἐν τῇ ἰδίᾳ ἐξουσίᾳ, 8 ἀλλὰ λήμψεσθε δύναμιν ἐπελθόντος τοῦ Ἁγίου Πνεύματος ἐφ’ ὑμᾶς, καὶ ἔσεσθέ μου μάρτυρες ἔν τε Ἱερουσαλὴμ καὶ ἐν πάσῃ τῇ Ἰουδαίᾳ καὶ Σαμαρίᾳ καὶ ἕως ἐσχάτου τῆς γῆς. 9 καὶ ταῦτα εἰπὼν βλεπόντων αὐτῶν ἐπήρθη, καὶ νεφέλη ὑπέλαβεν αὐτὸν ἀπὸ τῶν ὀφθαλμῶν αὐτῶν. 10 καὶ ὡς ἀτενίζοντες ἦσαν εἰς τὸν οὐρανὸν πορευομένου αὐτοῦ, καὶ ἰδοὺ ἄνδρες δύο παρειστήκεισαν αὐτοῖς ἐν ἐσθήσεσι λευκαῖς, 11 οἳ καὶ εἶπαν Ἄνδρες Γαλιλαῖοι, τί ἑστήκατε βλέποντες εἰς τὸν οὐρανόν; οὗτος ὁ Ἰησοῦς ὁ ἀναλημφθεὶς ἀφ’ ὑμῶν εἰς τὸν οὐρανὸν οὕτως ἐλεύσεται ὃν τρόπον ἐθεάσασθε αὐτὸν πορευόμενον εἰς τὸν οὐρανόν. 12 Τότε ὑπέστρεψαν εἰς Ἱερουσαλὴμ ἀπὸ ὄρους τοῦ καλουμένου Ἐλαιῶνος, ὅ ἐστιν ἐγγὺς Ἱερουσαλὴμ σαββάτου ἔχον ὁδόν. 13 καὶ ὅτε εἰσῆλθον, εἰς τὸ ὑπερῷον ἀνέβησαν οὗ ἦσαν καταμένοντες, ὅ τε Πέτρος καὶ Ἰωάνης καὶ Ἰάκωβος καὶ Ἀνδρέας, Φίλιππος καὶ Θωμᾶς, Βαρθολομαῖος καὶ Μαθθαῖος, Ἰάκωβος Ἀλφαίου καὶ Σίμων ὁ Ζηλωτὴς καὶ Ἰούδας Ἰακώβου. 14 οὗτοι πάντες ἦσαν προσκαρτεροῦντες ὁμοθυμαδὸν τῇ προσευχῇ σὺν γυναιξὶν καὶ Μαριὰμ τῇ μητρὶ τοῦ Ἰησοῦ καὶ σὺν τοῖς ἀδελφοῖς αὐτοῦ.

15 Καὶ ἐν ταῖς ἡμέραις ταύταις ἀναστὰς Πέτρος ἐν μέσῳ τῶν ἀδελφῶν εἶπεν· ἦν τε ὄχλος ὀνομάτων ἐπὶ τὸ αὐτὸ ὡσεὶ ἑκατὸν εἴκοσι 16 Ἄνδρες ἀδελφοί, ἔδει πληρωθῆναι τὴν γραφὴν ἣν προεῖπεν τὸ Πνεῦμα τὸ Ἅγιον διὰ στόματος Δαυεὶδ περὶ Ἰούδα τοῦ γενομένου ὁδηγοῦ τοῖς συλλαβοῦσιν Ἰησοῦν, 17 ὅτι κατηριθμημένος ἦν ἐν ἡμῖν καὶ ἔλαχεν τὸν κλῆρον τῆς διακονίας ταύτης. 18 οὗτος μὲν οὖν ἐκτήσατο χωρίον ἐκ μισθοῦ τῆς ἀδικίας, καὶ πρηνὴς γενόμενος ἐλάκησεν μέσος, καὶ ἐξεχύθη πάντα τὰ σπλάγχνα αὐτοῦ· 19 καὶ γνωστὸν ἐγένετο πᾶσι τοῖς κατοικοῦσιν Ἱερουσαλήμ, ὥστε κληθῆναι τὸ χωρίον ἐκεῖνο τῇ ἰδίᾳ διαλέκτῳ αὐτῶν Ἀκελδαμάχ, τοῦτ’ ἔστιν Χωρίον αἵματος. 20 γέγραπται γὰρ ἐν βίβλῳ Ψαλμῶν

Γενηθήτω ἡ ἔπαυλις αὐτοῦ ἔρημος

καὶ μὴ ἔστω ὁ κατοικῶν ἐν αὐτῇ,

καί Τὴν ἐπισκοπὴν αὐτοῦ λαβέτω ἕτερος.

21 δεῖ οὖν τῶν συνελθόντων ἡμῖν ἀνδρῶν ἐν παντὶ χρόνῳ ᾧ εἰσῆλθεν καὶ ἐξῆλθεν ἐφ’ ἡμᾶς ὁ Κύριος Ἰησοῦς, 22 ἀρξάμενος ἀπὸ τοῦ βαπτίσματος Ἰωάνου ἕως τῆς ἡμέρας ἧς ἀνελήμφθη ἀφ’ ἡμῶν, μάρτυρα τῆς ἀναστάσεως αὐτοῦ σὺν ἡμῖν γενέσθαι ἕνα τούτων. 23 Καὶ ἔστησαν δύο, Ἰωσὴφ τὸν καλούμενον Βαρσαββᾶν, ὃς ἐπεκλήθη Ἰοῦστος, καὶ Μαθθίαν. 24 καὶ προσευξάμενοι εἶπαν Σὺ Κύριε καρδιογνῶστα πάντων, ἀνάδειξον ὃν ἐξελέξω ἐκ τούτων τῶν δύο ἕνα 25 λαβεῖν τὸν τόπον τῆς διακονίας ταύτης καὶ ἀποστολῆς, ἀφ’ ἧς παρέβη Ἰούδας πορευθῆναι εἰς τὸν τόπον τὸν ἴδιον. 26 καὶ ἔδωκαν κλήρους αὐτοῖς, καὶ ἔπεσεν ὁ κλῆρος ἐπὶ Μαθθίαν, καὶ συνκατεψηφίσθη μετὰ τῶν ἕνδεκα ἀποστόλων.

 

PRAXEIS APOSTOLŌN

 

1: 1 Ton men prōton logon epoiēsamēn peri pantōn, ō Theophile, hōn ērxato ho Iēsous poiein te kai didaskein, 2 achri hēs hēmeras enteilamenos tois apostolois dia Pneumatos Hagiou hous exelexato anelēmphthē; 3 hois kai parestēsen heauton zōnta meta to pathein auton en pollois tekmēriois, di’ hēmerōn tesserakonta optanomenos autois kai legōn ta peri tēs basileias tou Theou; 4 kai synalizomenos parēngeilen autois apo Hierosolymōn mē chōrizesthai, alla perimenein tēn epangelian tou Patros hēn ēkousate mou; 5 hoti Iōanēs men ebaptisen hydati, hymeis de en Pneumati baptisthēsesthe Hagiō ou meta pollas tautas hēmeras. 6 HOi men oun synelthontes ērōtōn auton legontes Kyrie, ei en tō chronō toutō apokathistaneis tēn basileian tō Israēl? 7 eipen pros autous Ouch hymōn estin gnōnai chronous ē kairous hous ho Patēr etheto en tē idia exousia, 8 alla lēmpsesthe dynamin epelthontos tou Hagiou Pneumatos eph’ hymas, kai esesthe mou martyres en te Hierousalēm kai en pasē tē Ioudaia kai Samaria kai heōs eschatou tēs gēs. 9 kai tauta eipōn blepontōn autōn epērthē, kai nephelē hypelaben auton apo tōn ophthalmōn autōn. 10 kai hōs atenizontes ēsan eis ton ouranon poreuomenou autou, kai idou andres dyo pareistēkeisan autois en esthēsesi leukais, 11 hoi kai eipan Andres Galilaioi, ti hestēkate blepontes eis ton ouranon? houtos ho Iēsous ho analēmphtheis aph’ hymōn eis ton ouranon houtōs eleusetai hon tropon etheasasthe auton poreuomenon eis ton ouranon. 12 Tote hypestrepsan eis Hierousalēm apo orous tou kaloumenou Elaiōnos, ho estin engys Hierousalēm sabbatou echon hodon. 13 kai hote eisēlthon, eis to hyperōon anebēsan hou ēsan katamenontes, ho te Petros kai Iōanēs kai Iakōbos kai Andreas, Philippos kai Thōmas, Bartholomaios kai Maththaios, Iakōbos Alphaiou kai Simōn ho Zēlōtēs kai Ioudas Iakōbou. 14 houtoi pantes ēsan proskarterountes homothymadon tē proseuchē syn gynaixin kai Mariam tē mētri tou Iēsou kai syn tois adelphois autou.

15 Kai en tais hēmerais tautais anastas Petros en mesō tōn adelphōn eipen; ēn te ochlos onomatōn epi to auto hōsei hekaton eikosi 16 Andres adelphoi, edei plērōthēnai tēn graphēn hēn proeipen to Pneuma to Hagion dia stomatos Daueid peri Iouda tou genomenou hodēgou tois syllabousin Iēsoun, 17 hoti katērithmēmenos ēn en hēmin kai elachen ton klēron tēs diakonias tautēs. 18 houtos men oun ektēsato chōrion ek misthou tēs adikias, kai prēnēs genomenos elakēsen mesos, kai exechythē panta ta splanchna autou; 19 kai gnōston egeneto pasi tois katoikousin Hierousalēm, hōste klēthēnai to chōrion ekeino tē idia dialektō autōn Akeldamach, tout’ estin Chōrion haimatos. 20 gegraptai gar en biblō Psalmōn

Genēthētō hē epaulis autou erēmos

kai mē estō ho katoikōn en autē,

kai Tēn episkopēn autou labetō heteros.

21 dei oun tōn synelthontōn hēmin andrōn en panti chronō hō eisēlthen kai exēlthen eph’ hēmas ho Kyrios Iēsous, 22 arxamenos apo tou baptismatos Iōanou heōs tēs hēmeras hēs anelēmphthē aph’ hēmōn, martyra tēs anastaseōs autou syn hēmin genesthai hena toutōn. 23 Kai estēsan dyo, Iōsēph ton kaloumenon Barsabban, hos epeklēthē Ioustos, kai Maththian. 24 kai proseuxamenoi eipan Sy Kyrie kardiognōsta pantōn, anadeixon hon exelexō ek toutōn tōn dyo hena 25 labein ton topon tēs diakonias tautēs kai apostolēs, aph’ hēs parebē Ioudas poreuthēnai eis ton topon ton idion. 26 kai edōkan klērous autois, kai epesen ho klēros epi Maththian, kai synkatepsēphisthē meta tōn hendeka apostolōn.